Lushnja u mposht edhe këtë javë në transfertën e Korçës 2-0. Kjo bëhet humbja e gjashtë rradhazi për myzeqarët jashtë shtëpisë. Në ndeshjen e parë të trajnerit Dalipi në kampionat skuadra verdhejeshile nuk arriti dot të dilte me pikë nga Korça. Kjo disfatë e çon Lushnjen në zonën e play-out dhe duhet t’i bëjnë llogaritë mirë për pjesën e mbetur të sezonit.
Megjithatë pas humbjes një lajm i mirë erdhi nga merkato e lushnjarëve. Kapiteni i Tiranës U-21 Igli Çulaj ka firmosur me verdhejeshilët një kontratë deri në fund të sezonit. Këtë afrim e ka konfirmuar edhe vetë sekretari i klubit Mario Sula. Talenti i Tiranës do të jetë një përforcim shumë i vlefshëm për Lushnjen në luftën e saj për mbijetesë në Kategorinë e Parë. Ndërsa mbetet vetëm zyrtarizimi nga ana e klubit.
