Partizani kundër Korabit, të kuqtë mendojnë për Skënderbeun dhe kursejnë tre titullarë

Idi Batha, Agustin Torasa dhe Gëzim Krasniqi, me shumë mundësi nuk do të aktivizohen nga trajneri Sulejman Starova në takimin kundër Korabit.

Tre titullarët e skuadrës kryeqytetase, dje kanë kryer stërvitje të diferencuar, pasi gjatë këtyre ditëve kanë shfaqur probleme me dëmtimet.

Duke marrë parasysh faktin se javën e ardhshme Partizani do të luajë kundër Skënderbeut, trajneri Starova pritet të mos aktivizojë Bathën, Torasën dhe Krasniqin në takimin kundër Korabit për t’i kursyer ata për takimin kundër korçarëve.