Partizani kampion për herë të 17-të në historinë e këtij klubi. Giovanni Colella arriti të bënte një sezon të kënaqshëm për produktin final, megjithatë duke lënë shumë vend për diskutime. Italiani pati në dispozicion gjithçka çfarë deshi. Dy formacione që mund t’i përfshije si titullarë pa të më voglin dyshim. Mirëpo fundi i Superiores e gjeti Partizanin në dyshim për titullin kampion.
Në panelet e ndryshme sportive, specialistët e futbollit e thanë me vendosmëri se ky Partizan duhej ta kishte përfunduar sezonin shumë javë më parë. I të njëjtit mendim ishte edhe presidenti Gaz Demi që për “Rubrikën Sportive” deklaroi: “Më shijoi më tepër titulli i Skënder Gegës sepse e fituam disa javë përpara”.
Një mesazh ky dukshëm për trajnerin Giovanni Colella që me sa duket fati i tij vijon të jetë i pavendosur. Gjasat janë që të vijojë punën edhe në Europë. Nëse do të ketë përkrah tij fatin dhe suksesin, atëherë padyshim që do të jetë i konfirmuar edhe për sezonin e ri. Aktualisht na duhet vetëm të presim. Për momentin Colella duket se është në udhëkryq.
Lexo gjithashtu
