Ish-kapiteni i Kukësit, Rrahman Hallaçi është i ftuar në "Radio Kukësi". Gjatë emisionit, lojtari ka treguar dhe pengjet e karrierës së tij, si dhe momentet më të bukura.
"Momenti më i veçantë ka qenë në ndeshjen kundër Skënderbeut, në Kukës, stadiumi ishte plot dhe ne fituam, ishte një ndër momentet më të bukura në karrierë.
Ndeshja Partizani - Dinamo ishte një peng i karrierës sime. Ndeshje e luajtur para disa viteve, ishte shumë e rëndësishme, pasi vendoste fatin e kampionatit.
Nëse Partizanit fitonte ndeshjen merrte kampionatin, ndërsa Dinamos i mjaftonte një barazim. Unë asokohe luaja për Partizanin, doja të shpallesha kampion me Partizanin por nuk u bëra dot. Më ka ngelur peng,
Në vitin e dytë në gjimnaz në shkollën e mjeshtërisë sportive, kur isha 16 vjeç, kam luajtur kundër ekipit të Litexit, domethënë kundër të rinjëve të Litexit. Kuyr erdha në Shqipëri mora vesh që trajneri i Litexit më kishte pëlqyer dhe për këtë më dërgoi mesazh me babin e Alban Bushit, që luante për këtë ekip.
Babai i Bushit më erdhi te konvikti ku rrija unë dhe më tha që merr rrobat edhe hajde në Bullgari. Nuk shkova asokohe. Më ka ngelur disi peng. Isha vetëm 16 vjeç, po të kisha ikur që atëherë karriera ime do kishte marrë drejtim tjetër."
Lexo gjithashtu
