Ditët e fundit është përfolur shumë rreth një kalimi të mundshëm të ish-lojtarit të Kombëtares Jurgen Gjasula te Partizani. Megjithatë 32-vjeçari që para pak kohësh mbylli aventurën e tij në Gjermani me Greuther Furth, mesa duket nuk do të shkojë te të kuqtë.
Lajmin e bëri të ditur sërish menaxheri Elton Marini, i cili duke folur mbrëmë në emisionin "Rubrika Sportive" të RTSH-së, tha se lojtari është kërkuar nga një ekip tjetër në Superiore. "Në fakt Gjasulën e ka kërkuar një klub tjetër. Më ka kontaktuar personalisht drejtori sportiv. Nuk besoj të shkojë te Partizani", tha Marini pa specifikuar emra klubesh. Megjithatë ai theksoi se dihet se kush ekipe kanë mundësitë financiare për një afrim të tillë, duke aluduar për një mes Kukësit, Flamurtarit dhe Skënderbeut.
Lexo gjithashtu
