Partizani luajti dje kundër Apolonisë në transfertë, ndeshje që përfundoi me rezultatin 1-1. Të kuqtë e drejtuar nga trajneri Ilir Daja zhgënjyen në një sfidë që duhej doemos fituar. Tashmë 16 herë kampionët e Shqipërisë e shohin veten në vendin e 4-të, ndërsa lufta për titullin kampion është më e nxehtë se kurrë.
Në merkaton e dimrit të kuqtë pasuruan organikën, por prapavija është ajo që lë për të dëshiruar. Edhe dje, Ilir Daja ndërhyri në minutën e 56-të duke nxjerrë nga loja Hektor Idrizajn. Mbrojtësi i linjës duket se nuk është në formë dhe disa herë këtë sezon i ka nisur takimet nga stoli.
Nga ana tjetër, Esin Hakaj ishte protagonist duke realizuar një gol në portën e tij. Si krahu i majtë, ashtu edhe i djathti duken se nuk janë në nivelin e pritur nga stafi teknik i të kuqve. Një skuadër me dy qendra statike, me një mesfushë dhe sulm të frikshëm, por shpeshherë e tradhtuar nga krahët. Ndeshja e djeshme kundër fierakëve “uli me këmbë në tokë” kryeqytetasit që këtë sezon futbollistik pretendojnë titullin kampion.
Loading ...
