Pas përplasjes në Eruo 2016 mes Zvicrës dhe Shqipërisë, ku vëllezërit Xhaka luajtën kundër njëri-tjetrit, një tjetër sfidë mes sportistëve kosovarë dhe atyre zviceranë është përpara, por krejt ndryshe. Në Lojërat Olimpike do të ndeshen një zvicerane me një shqiptare nga Kosova, e lindur dhe e rritur në Kosovë, siç shkruan albinfo.ch. Majlinda Kelmendi, sportistja më e mirë kosovare, në Lojërat Olimpike të Rios do të jetë kundër Evelyn Chopp, e cila mban vendin e 17 në botë. Ajo ka fitur 45% të ndeshjeve dhe ka fituar një medalje të artë në “Grand Pix” dhe një në “Grand Slam”. Kurse Majlinda Kelmendi mban vendin e parë në rang listën botërore dhe është kualifikuar si e dyta në Lojërat Olimpike. Forma e saj është shumë e mirë.
Këto sportiste janë ndeshur dy herë gjatë karrierës së tyre dhe të dyja ndeshjet i ka fituar kosovarja. “Vetë fakti se Evelyn është në Lojëra Olimpike dhe se me të jam takuar edhe në finale më parë, tregon se është një xhudiste e mirë”, - ka thënë Kelmendi. Këto dy sportiste mund të ndeshen mes tyre në finale të Lojërave Olimpike. Xhudo në Kosovë është sporti me nivelin më të lartë në skenën ndërkombëtar.
Lexo gjithashtu
