Ndeshja miqësore e programuar për sot pasdite mes Skënderbeut dhe Pogradecit për pak sa nuk ka përfunduar në tragjedi.
Shkak për këtë është bërë një përplasje mes dy lojtarëve gjatë lojës, e konkretisht mes Bruno Lulajt të Skënderbeut dhe Paolo Ivanit të Pogradecit, duke e lënë këtë të fundit pa ndjenja në fushën e lojës. Menjëherë kanë ndërhyrë ekipet mjekësore të të dy skuadrave, me lojtarin që është transportuar për në spital me ambulancë.
Ivani është një lojtar 21-vjeçar në pronësi të korçarëve, por që për sezonin e ardhshëm është dhënë në formë huazimi te pogradecarët. Nuk ka ende informacione për gjendjen e futbollistit, ndërkohë që mësohet se ai ka qendruar rreth 10 minuta pa ndjenja, me përplasjen që mesa duket ka qenë shumë e fortë.
Takimi ndërkohë përfundoi me rezultatin 3-0 në favor të Pogradecit.
Lexo gjithashtu
