Bayerni po luan momentalisht në “Allianz Arena” përballë Hoffenheim në ndeshjen e vlefshme për javën e 17-të të Bundesligës.
Për bavarezët është ndeshja e parë zyrtare për vitin 2024, por është një rikthim i hidhur. Para fillimit të sfidës, të gjithë të pranishmit në mitikun e Mynihut mbajtën 1 minutë heshtje në nderim të ndarjes nga jeta të legjendës Franz Beckenbauer.
Por përveç 1 minutë heshjte, ajo ç’ka ra në sy ishte gjesti fisnik nga tifozët ultras të Bayernit. Këta të fundit nuk kënduan dhe ulën flamujt deri në minutën e 5-të të sfidës. Ata kanë zgjedhur pikërisht pesën, për shkak se ka qenë numri që Beckenbauer ka mbajtur në kohën kur ishte pjesë e bavarezëve.
Padiskutim, vdekja e legjendës së futbollit botëror dhe veçanërisht atij gjerman ka lënë dhimbje tek të gjithë futbolldashësit dhe tifozëria bavareze të cilët hapën dhe një banderolë ku shkruhej: Udhëtimi i fundit - prehu në paqe, KAISER!
Lexo gjithashtu
