Dy skuadrat e Kategorisë së Dytë që kanë fituar të drejtën për të luajtur në play-off për t'u ngjitur në Kategorinë e Parë janë Vllaznia B dhe Orikumi. Shkodranët u renditën të dytët në Grupin A të Kategorisë së Dytë, ndërsa Orikumi në vendin e dytë në Grupin B.
Këto skuadra do të përballen me ekipet që u renditën të parafundit në Grupin A dhe B të Kategorisë së Parë.
Çiftet e sfidave play-off për të përcaktuar ekipet që do të jenë pjesë e Kategorisë së Parë sezonin e ardhshëm janë Orikumi-Tërbuni dhe Vllaznia B-Sopoti.
Ndeshja Orikumi-Tërbuni do të luhet të enjten në "Elbasan Arena" në orën 16:00.
FSHF do të caktojë sot datën, orarin dhe stadiumin ku do të zhvillohet sfida Vllaznia B-Sopoti.
Poll
Lexo gjithashtu
