Ditën e djeshme në prononcimin pas ndeshjes së fituar me Kastriotin, trajneri i Skënderbeut Orges Shehi paralajmëroi dhe një goditje të fundit në merkato, që sipas tij do të ishte një ish-lojtar i Skënderbeut, por pa përmendur emra.
Megjithatë burime pranë klubit korçar bëjnë të ditur se bëhet fjalë për braziliani Eskerdinja, i cili ka qenë për një vit pjesë e Skënderbeut në sezonin 2015-2016. 27-vjeçari aktualisht është pjesë e Ferroviario në vendlindje, por mësohet se ka kërkuar largimin, dhe klubi brazilian ka rënë parimisht dakort. Në ditët në vijim pritet të konkretizohet diçka më shumë rreth kësaj çështje, me mesfushorin që mund të jetë goditja e fundit e Skënderbeut.
