Në Varna të Bullgarisë do të luhen këtë fundjavë ndeshjet e para në grup të Ligës Europiane në volejboll për meshkuj, aktivitet ku merr pjesë edhe vendi ynë. Shqipëria ndodhet në Grupin A bashkë me Bullgarinë, Danimarkën dhe Maqedoninë. Në krye të ekipit kombëtar, pas 20 vitesh, do të jetë në detyrën e trajnerit Jani Melka, që ka si ndihmës Artan Kalaja. Gjatë javëve të fundit, gjatë fazës përgatitore janë grumbulluar këta lojtarë: Altin Gorenxa, Renato Kola, Osman Qepa, Redjo Koçi, Gert Lisha, Arbër Troka, Adriatik Kajtazi, Gazmend Husaj, Kreshnik Malaj, Enea Xhelati, Alvi Shurdhi, Asmend Kula, Blerim Pepaj, Anton Qafarena, Adri Arapi dhe Gjergj Bardhi. Kombëtarja është stërvitur rregullisht gjatë javëve të fundit dhe sot është nisur drejt Bullgarisë, ku do të zhvillojë tri takimet e para eliminatore të Grupit A. Ndeshja e parë është ditën e premte, ndaj Maqedonisë dhe më pas do të luajë ndaj Bullgarisë dhe Danimarkës. Ndërsa pas një jave, ndeshjet e dyta do të luhen në Maqedoni. Shqipëria pretendon shumë në këtë turne, teksa janë thirrur elementët më të mirë të volejbollit shqiptar të viteve të fundit.

Dita e parë (10 qershor) Shqipëri – Maqedoni, ora 15:00 Bullgari – Danimarkë, ora 18:00 Dita e dytë (11 qershor) Maqedoni – Danimarkë, ora 15:00 Shqipëri – Bullgari, ora 18:00 Dita e tretë (12 qershor) Danimarkë – Shqipëri, ora 15:00 Maqedoni – Bullgari, ora 18:00