Ndeshja me Tiranën i ka vënë të gjithë në punë te Luftëtari duke filluar që nga trajneri Milos Kostic. Tekniku slloven ka marrë lajme të mira nga skuadra dhe stafi teknik pasi për një ndeshje të një rëndësie jetike gjirokastritët duhet të kenë në dispozicion grupin e plotë. Anësori Jackson Ferreira, Rustem Hoxha dhe sulmuesi nga Kenia Ismael Dunga do t'i bashkohen skuadrës për dy sfidat e radhës në Kupë dhe kampionat. Kostic i ka përqëndruar sytë te afrikani Dunga pasi ai është shpresa e fundit për të shpëtuar repartin sulmues të gjirokastritëve, të cilët kanë pak alternativa Vasil Shkurtin dhe Romario Cekajn. Milosavljev, Radovic, Ymeraj, Oshafi nuk janë sulmues të mirëfilltë po kanë luajtur jashtë pozicionit të tyre. Përballja në Kupë me Vorën do të dëshmojë nëse gjirokastritët do të zhbllokohen në fazën sulmuese.
Lexo gjithashtu
