Olsi Gocaj, pranë rikthimit në shtëpi

Mesfushori i talentuar shkodran, Olsi Gocaj, është pranë rikthimit te skuadra e Vllaznisë. Burime pranë klubit bëjnë me dije që 27-vjeçari do të jetë afrimi i parë për këtë merkato verore për shkodranët. Duhet theksuar që Gocaj, është një pëlqim i vjetër i Armando Cungut, i cili e mori lojtarin nga Kastrioti i Krujës te skuadra kurbinase e Laçit, në kohën që ishte teknik i kësaj skuadre. Skuadra e Vllaznisë, këtë vit ka shprehur qartë objektivat e saj, ku nuk flitet për një objektiv për qëndrimin në superiore, siç ndodhi  sezonin që mbyllëm, por arritjen e një objektivi siç janë kupat e Europës.