Barcelona vazhdon kërkimin e saj për një mesfushor të ri për të zëvëndësuar kapitenin, Sergio Busquets që u largua në fund të sezonit. Alternativat për katalanasit në treg duket se janë drejt fundit dhe kjo gjë ka bërë që ata të kthehen nga akademia.
Pas Ruben Neves tashmë edhe Marcelo Brozovic është larg katalanasve, pasi lëvizjet për Martin Zubimendin dhe Joshua Kimmich u bënë praktikisht të pamundura. Me klubin tani në kërkim të opsioneve të tjera, tashmë ka dal në skenë emri i asit të akademisë Marc Casado.
Casado ka qenë me Barçën që nga viti 2016 kur ai iu bashkua grupit të të rinjve të La Masia nga CF Damm. Mesfushori me tipare mbrojtëse ka shijuar përparim të qëndrueshëm nëpër radhët blaugransave. Por, ky mund të shihet vetëm si një rezervë e mundshme për sezonin e ardhshëm.
Lexo gjithashtu
