Eriksen mund të jetë largimi i Interit në merkaton e janarit. Mesfushori u mor nga Tottenham, por në asnjë moment nuk e shfaqi veten e tij. Trajneri Conte e aktivizon vetëm në fund, çka ka sjellë pakënaqësi te danezi. Skuadrat që e duan në gjirin e tyre kanë vijuar punën, teksa së fundmi flitet për Hertha Berlin.
Ekipi gjerman kërkon përforcime në repartin e mesit të fushës, e Eriksen shihet si profili ideal. Gjithsesi, vështirë se mund të ndodhë ky transferim, pasi Hertha nuk është një ekip kompetitiv as në Gjermani dhe as në Europë.
Vlen të theksojmë se Eriksen pranon të kalojë vetëm në ekipe të mëdha, me cilësitë e tij që janë të padiskutueshme.
Loading ...
