Interi ka barazuar në transfertë përballë Genoas në sfidën e vlefshme për javën e 18-të të Serie A. Ndeshja e zhvilluar në “Stadio Luigi Ferraris” përfundoi me rezultatin 1-1.
Pas kësaj sfide, në konferencën për shtyp para gazetarëve, foli trajneri i zikaltërve, Simone Inzaghi.
“Ne e dinim se çfarë lloji ndeshje do të luanim. Genoa ishte mirë dhe ndeshja e luftuar. Unë nuk mund t’i fajësoj djemtë për asgjë, përveç mbrojtjes në momentin që Genoa barazoi rezultatin. Ne donim të fitonim dhe sigurisht që nuk jemi të lumtur për barazimin, por e mbyllim vitin në vendin e parë.
Interi në 2024? Ekipi duhet të ruajë qëndrueshmërinë dhe dëshirën. Duhet të kemi vazhdimësi. Rrugëtimi ynë do të jetë i gjatë dhe i vështirë”, është shprehur Inzaghi.
Poll
Lexo gjithashtu
