Aleksandër Isaevski është futbollisti më i ri i Dinamos. Edhe pse nuk është bërë ende zyrtare nga ana e klubit dinamovit, burime të besueshme pranë lojtarit tregojnë se mëngjërashi ka arritur akordin me kryeqytetasit. Madje tregohet se ai ka pasur edhe një takim me drejtuesit ku veç marrëveshjes, ka hedhur dhe të “zezën mbi të bardhë”.
Një nga lojtarët që shkëlqeu në edicionin e shkuar me shkodranët, këtë sezon të ri do të luajë në kryeqytet. Edhe pse ditën e djeshme mediet maqedonase raportonin për një dakordësi mes tij dhe Tiranës, siç duket kjo ka qenë thjeshtë një “skup” nga ana e menaxherëve për të rritur vlerën e futbollistit të tyre. 26-vjeçari nga Maqedonia e Veriut u aktivizua në 29 ndeshje, ku i nisi të gjitha si titullar.