Një ndeshje një gol, Griezman këmbëarti i Francës

Çdo betejë ka nevojë për një hero dhe ky rol te Përfaqësuesja e Francës në “Euro 2016” ka rënë mbi supet e sulmuesit të vogël, të thjeshtë, dhe me pamje djaloshare,Antoine Griezmann.

Pas Michel Platinit, që udhëhoqi francezët drejt titullit të Evropës në vitin 1984 dhe Zinedine Zidanes që inspiroi “gjelat” drejt triumfit në botërorin e vitit 1998, Franca ka pasur nevojë për një figurë të re udhëheqëse në misionin e saj,që kërkon të arrijë suksesin në shtëpi.

Çfarëdo që të ndodhë në finalen kundër Portugalisë, Griezmann deri më tani ka dëshmuar veten se për çfarë arsye është njëri prej kandidatëve kryesor të shpallet futbollisti më i mirë në “Euro 2016”.

Sulmuesi 25-vjeçar, që është i gjatë 176 centimetra kryeson listën e golashënuesve në evropian, me gjashtë gola të realizuar në po aq ndeshje.