Luftarak, i pozicionuar mirë dhe pika më e fortë e Kukësit prej tetë sezonesh tanimë. Besar Musolli është pa diskutim një nga lojtarët më jetëgjatë te Kukësi i Superligës. I afruar në sezonin 2012-13, Musolli ka ngjitur me punë shkallët e karrierës, duke u graduar prej disa sezonesh në rolin e kapitenit. Forma e mirë dhe vazhdimësia në lojë, kanë sjellë që ofertat për të mos mungojnë.
Së fundmi, mësohet se janë dy klube të Superligës kosovare që kanë "vërshuar" mbi mesfushorin. Gjilani i Gentian Mezanit dhe Prishtina duket se kanë nisur hapat konkrete për ta rikthyer lojtarin në Kosovë. Musolli ka pasur edhe më herët oferta nga liga kosovare, por ktë herë i është vendosur në dispozicion një pagë "faraonike". Tetë vite me Kukësin dhe një karrierë pozitive, duket se i kanë vështirësuar bisedimet, me 30 vjeçarin që është i pavendosur për të ardhmen.
Lexo gjithashtu
