Pas afrimit të Ferhan Hasanit në këtë merkato dimri, drejtuesit e Partizanit po punojnë intensivisht për të sjellë në skuadër dy mbrojtës. Emrat nuk bëhen të ditur, por me shumë mundësi do të jenë nga tregu i huaj duke qenë se ky vendas nuk ofron mundësi.
Fillimisht u përfol Gledi Mici për të mbërritur në Tiranë, mirëpo kontrata me Prishtinën e bën thuajse të pamundur transferimin e tij te Partizani. Duke qenë se ai ka një marrëveshje edhe për 6 muaj të tjerë, drejtuesit e kuq vështirë se mund të bëjnë sforco financiare për lojtarin që në fund të fundit do të dalë i lirë në fund të këtij sezoni futbollistik.
Kësisoj po studiohen me kujdes gjitha mundësitë për të mos përsëritur gabimet e 1 viti më parë. Drejtuesit janë në tratativa me disa futbollistë, të cilët fillimisht kanë kaluar në filtrin e Ilir Dajës. Fakt mbetet që ata që do të afrohen janë dy futbollistë, një mbrojtës i linjës së majtë dhe një në qendër. Priten me interes të mësohen emrat e tyre, të cilët do t’i vënë “kapak” merkatos së Partizanit në këtë periudhë hyrje-daljesh.
Kujtojmë që deri më tani janë afruar Valentino Murataj, Stenio Junior, Anteo Osmanllari si dhe i fundit, Ferhan Hasani.