Partizani luan të diel në 16:00 me Bylis në transfertë. Demat kanë një detyrë jo të lehtë, ndërsa kërkojnë të rikthehen te fitorja pas dy ndeshjeve të thata. Trajneri Ilir Daja po e përgatit sfidën me grupin e plotë, teksa nga El Salvador është rikthyer edhe mbrojtësi Dominguez. Lojtari ishte me Kombëtaren e tij dhe largësia mes vendeve ka bërë që ai të bashkohet në fund me të kuqtë.
Me grupin e plotë, Daja do ketë mundësi të përgatisë si duhet ndeshjen me ballshiotët, që vitet e fundit kanë qenë një “mace e zezë” për Partizanin. Edhe pse ka disa muaj që është pjesë e skuadrës, Dominguez ende nuk ka debutuar me fanellën e kuqe, ndërsa sinjale të mira dha Ferhan Hasani, që veçse me Maqedoninë e Veriut, mori minuta edhe me fanellën e Demave në barazimin 0-0 në Shkodër.
Loading ...
