Manchester City ka mposhtur mbrëmë Arsenal me rezultatin 1-0, ndeshje e vlefshme për raundin e katërt të FA Cup. Ndeshja e zhvilluar në Etihad Stadium u fitua për Citizens nga goli i qendërmbrojtësit Nathan Ake, në minutën e 64.
“Nathan Ake është një djalosh i veçantë”, u shpreh Pep Guardiola pas ndeshjes.
“Ai po zhvillon një sezon të mirë duke dyluftuar me sukses me kundërshtarë të fortë si Bukayo Saka. Ai është shumë i fortë në duelet brenda në zonë dhe është një vlerë e shtuar për ne”, vazhdon tekniku, “pasi ishte një kohë kur ai nuk luante në formacion dhe ai nuk u ankua asnjëherë për këtë”.
Ndeshja ishte e dyluftuar nga të dyja ekipet duke qenë se janë dhe në garë për kryesimin e Premier League. Kjo humbje “djeg” pak për Arsenal, por ata mund të ngushëllohen pasi janë në vend të parë në kampionat dhe pesë pikë larg ndjekësve të Manchester City.
Lexo gjithashtu
