Skuadra e Tiranës vijon përgatitjet për sezonin e ri futbollistik 2016-2017. Kryeqytetasit, edhe pse ngelën jashtë Europe, duken t’i kenë marrë seriozisht përgatitjet e sezonit veror, ku do të pretendojnë të fitojnë titullin e 25-të në kampionat. Seanca e radhës stërvitore u zhvillua pasditen e sotme në kompleksin “Skënder Halili”, ku trajneri Daja aplikoi disa ushtrime fizike, për të vijuar më pas me përgatitjet tekniko-taktike. Bardheblutë, javën që vjen do të vijojnë përgatitjet e tyre në palestër, ku do të aplikohet dhe një stërvitje atletike.
Më pas, me 1 korrik do të rinisin përgatitjet intensive deri në fillim të kampionatit që starton në fund të gushtit.