Enea Jorgji padyshim që është një ndër arbitrat më të rëndësishëm në Shqipëri, por jo vetëm. 35 vjeçari mban prej vitesh stemën e FIFA-s dhe arbitron edhe ndeshje të nivelit shumë të lartë.
Së fundmi, arbitrimi shqiptar po merr leksione me Jorgjin. Newsport.al mëson se “bilbili” shqiptar që prej ditës së hënë, e deri të mërkurën, është thirrur në Hollandë nga UEFA për të marrë trajnim për metodat e sistemit VAR.
Ndonëse në vendin tonë, herë pas here, Jorgji vihet në qendër të kritikave, por që në fakt, figurën e tij e vlerësojnë maksimalisht, e duke i besuar edhe një tjetër detyrë.
Së fundmi, në Europë, po aplikohet sistemi VAR, duke i dhënë fund kështu edhe ndarjes së drejtësisë në fushën e lojës, pasi gjithçka monitorohet me detaje, ku arbitri nuk ka asnjë mundësi për të gabuar.
Ndoshta ka ardhur momenti që së shpejti, edhe në vendin tonë, t’i jepet fund polemikave për arbitrimin, duke u vënë në zbatim teknologjia VAR. Megjithatë, mbetet për t’u parë se çfarë do të ndodhë në lidhje me këtë çështje.
Loading ...
