Erzeni do të luajë sot kundër Laçit, ndeshje e vlefshme për javën e 23-të të Superiores. Kjo sfidë do të zhvillohet në stadiumin “Niko Dovana” dhe është shumë e rëndësishme për të dy skuadrat.
Shijakasit do të synojnë fitoren, sikurse edhe kurbinasit për t’iu shmangur zonës së ftohtë. Së fundmi është klubi i Erzenit që përmes një njoftimi në kanalin zyrtar bën thirrje që tifozët të jenë të shumtë në shkallët e stadiumit.
“Vetëm pak orë na ndajnë nga sfida më e rëndësishme e javës. Mbështetja jonë më e madhe jeni ju, ndaj mos mungoni. Të gjithë rrugët të çojnë në “Niko Dovana”. Hyrja në tribunën ballore si gjithmonë do të jetë falas. Gjithashtu do të ketë autobusa falas pa limit për tifozerinë, të cilët nisen në orën 14:00 tek Ura”, shkruhej në njoftimin e klubit shijakas.
Lexo gjithashtu
