Inter – Juventus është kryefjala në Itali, një ndeshje “titanësh” që ka zgjuar interesin e tifozëve. Në “San Siro” të gjithë do të mbajnë “frymën “ e ditën e dielë në orën 20:45.
Ish-trajneri i Dinamos, Luigi Di Biagio ka folur për mediat italiane për këtë supersfidë. Italiani ka theksuar se do donte të shihte Interin fitues, por nuk dëshiron që spektakli të mbyllej ka herët.
“Nuk dua që të keqkuptojnë, pasi Empoli bëri një ndeshje të madhe ndaj Juventusit, por do të kisha dashur që në ‘San Siro’ të dyja skuadrat favorite për titull të kishin ardhur me entuziazëm të njëjtë. Nëse Juventusi deri në këtë moment ka mbërritur duke dhënë 110 % në çdo ndeshje që ka luajtur, në anën tjetër është një Inter që ashtu siç pritej mund këdo që i del përpara.
Për sa i përket sfidës së të dielës, unë do të doja të shihja Interin fitues, por nëse zikaltrit marrin tri pikët, kampionati mund të quhet i mbyllur. Dhe në emër të spektaklit nuk do të doja që kjo luftë të mbyllej kaq herët”, ka përfunduar ish-timonieri i Dinamos.
Lexo gjithashtu
