Redon Xhixha u transferua te Karabak në Azerbajxhan. Sulmuesi i njohur bëri këtë hap të rëndësishëm në karrierën e tij duke arritur marrëveshjen me një ekip që është çdo vit pjesë e arenës europiane. Por, në fakt azerët nuk kanë qenë të vetmit të interesuar për shërbimet e kurbinasit.
Në Hungari e kanë pranuar publikisht që e kanë vëzhguar për një kohë të gjatë ish lojtarin e Tiranës. Në fund u vendos që të transferohej te Tirana. Mediet pranë klubit të Ferencvarosh kanë pasqyruar intervistën e drejtuesve dhënë për “Sky Sports” ku në analizën e merkatos kanë përmendur 24-vjeçarin. “Vërtetë e vëzhguam Redon Xhixhën, por u transferua te Karabak”.
Tashmë pritet me interes të shihet se si do të jetë performanca e tij në Azerbajxhan, teksa nga vendi ynë u largua me 11 gola të shënuar në 17 javë të luajtura.
