Për herë të parë Egnatia synon të prezantohet në Kupat e Europës. Kur kanë mbetur edhe katër javë nga fundi, askush nuk mund t’ia heqë të drejtën e të bërit ëndrrën realitet. Aktualisht rrogozhinasit ndodhen në vendin e tretë, të distancuar me 5 pikë nga ndjekësit Laçi, 6 nga Vllaznia dhe 7 nga Teuta. Të besuarve e Tetovës u mjaftonë të mbrojnë vetëm pikët e avantazhit ndaj kundërshtarve për kualifikimin historik. Pa llogaritur këtu finalen e Kupës së Shqipërisë, ku Egnatia do të sfidojnë Tiranën kryesuese.
Por më shumë gjasa rrogozhinasit do të shkojnë në finalen e Kupës për të luajtur për trofeun, me idenë që Europën ta kenë arritur përmes kampionatit. Dhe në këtë fazë të kampionatit duket se kalendari, është në favor të futbollistëve të Tetovës pasi në katër javën e mbetura ata do të luajnë me katër nga pesë skuadrat të renditura në fundin e renditjes. Djemtë e Tetovës kanë në dorë edhe fatet e mbijetesës.
Më mirë se kaq nuk mund të shkonte për rrogozhinasit, të cilët vazhdojnë të besojnë ofensivës fantastike me dyshen Dwamena-Kasa. Këta të fundit kanë arritur të shënojnë 13 gola nga 43 në total që Egnatia ka shënuar këtë sezon. Duke e bërë kështu sulmin e tretë më të mirë në kampionat pas Tiranës edhe Partizanit.
Për t’i dhënë më shumë besueshmëri se Europa mund të arrihet mendon edhe mbrojtja. Tetova ka një prapavijë solide ku ka pësuar vetëm 27 gola në 32 ndeshje, dhe aktualisht renditet e para në kampionatin shqiptar.
Kalendari i Egnatias:
Kastriot – Egnatia
Egnatia – Erzeni
Teuta – Egnatia
Egnatia – Kukësi
Lexo gjithashtu
