Një ndryshim ka ndodhur ditën e sotme në kupolën drejtuese të Teutës, ku është larguar shefi i klubit Eduard Salillari.
Njoftimi është dhënë nga vetë klubi durrsak nëpërmjet një njoftimi në Facebook, ku bëhet e ditur se ndërprerja e marrëdhënies është bërë mesa duket në mënyrë konsensuale, ku z. Sallilari falenderohet për kontributin e dhënë deri tani.
Ndërkohë nuk ka vonuar zëvendësimi i tij, pasi vendin e shefit të Teutës tashmë e ka zënë nga sot Enid Furrxhi, ish-drejtor i Akademisë së durrsakëve.
Njoftimi i plotë i klubit të Teutës:
Klubi i futbollit Teuta njofton se ka shkëputur marrëdhëniet me shefin e klubit Eduard Salillari. Falenderojmë Z.Eduard Sallirani për kontributin e dhënë gjatë kohës që ishte pjesë e jona. Ne i urojmë mirseardhje ish drejtorit te Akademisë Teuta Z. Enid Furrxhi I cili nga sot do ketë një rol te ri në ekipin e Teutes ku do mbajë postin e shefit të klubit.
Lexo gjithashtu
