Flamurtari e sheh veten këtë sezon në fundin e tabelës së klasifikimit, duke mos marrë asnjë fitore në 21 ndeshjet e zhvilluara në Kategorinë Superiore. Problemet financiare dhe situata e rënduar nga borxhet, solli një eksod masiv në merkaton e janarit. Duket se mes kësaj situate të papranueshme, në Vlorë është kthyer “festa”.
Flamurtari ka federuar edhe dy lojtarë të tjerë të afruar në muajin janar, duke “ngrohur” kështu trajnerin Marcelo Troisi. Hapja e rrugës nga FIFA, ka bërë që FSHF t’i federojë këta lojtarë, që janë afruar në merkato si transfer të lirë. Souza de Oliveira dhe Henrique Ramos kanë marrë dritën jeshile nga organet e futbollit në Shqipëri dhe pas Lukas Ramos e Ëelber Costa, janë më të rinjtë që mund të aktivizohen në Vlorë. Ende nuk dihet situata e Bruno Lipit, që vijon të mos jetë i federuar nga FSHF.