Lorenc Trashi është ftuar sërish nga Kombëtarja për dy ndeshjet e radhës kundër Andorës dhe Francës. Mbrojtësi i majtë i Partizanit po shkëlqen në kampionatin shqiptar dhe goli i shënuar në sfidën e shkuar me kuqezinjtë, ka rritur kuotat e tij për të qenë i domosdoshëm në organikën e Edi Rejës. Kësisoj, trajneri italian, s’është menduar dy herë, por ka ftuar mëngjërashin për grumbullimin e radhës.
Një lajm i mrekullueshëm ky për 27-vjeccarin, i cili përmes kuqezinjve ka mundësinë e artë të promovohet, për t’u katapultuar në një kampionat prestigjoz. Kujtojmë që Shqipëria luan në 14 nëntor kundër Andorës, ndërsa në 17 do të përballet te “Arena Kombëtare” me Francën.
Loading ...
