Barcelona fitoi pak ditë më parë 3-0 ndaj Elche në shtëpi. Në fund të sfidës, portieri Edgar Badia i kërkoi fanellën Messit me argjentinasin që pranoi dhe i kërkoi gjithashtu që t'I merrte fanellën portierit të Elche. Një veprim që surprizoi jo pak Badia që nuk ngurroi ta jepte fanellën argjentinasit. Me një postim në rrjetet sociale, gardiani i portës së Elche e pranon që u surprizua nga ky veprim i Messit, ndërsa ka edhe një mesazh për tifozët e skuadrës së tij.
"Po, Messi me suprizoi, por e dini çfarë po mendoja pavarsisht rezultatit? Ky ekip do të mbijetojë në La Liga si skuadër si grup. Ne do të vazhdojmë të hedhim hapa përpara, të përmirësohemi dhe të konkurrojmë kundër çdo rivali. Pjesa e parë e mrekullueshme dje! Ne shkojmë për gjithçka", shkruan Badia në postimin e tij.
Lexo gjithashtu
