Partizani u ndal ditën e sotme nga Vllaznia. Pas dy fitoreve radhazi të kuqtë u mposhtën 1-0 në “Loro Boriçi”. Ndeshja u vendos nga një gol i shënuar nga Latifi në pjesën e parë, ndërsa në të dytën Partizani nuk përfitoi edhe pse Vllaznia luajti për rreth 30 minuta më një lojtar më pak pas daljes me të kuq të Krymit.
Para nisjes së ndeshjes, ajo që ra në sy në protokollin zyrtar ishte mungesa e Alban Hoxha që ka munguar edhe në grumbullime. Kapiteni i të kuqve nuk luan prej disa javësh për arsye dëmtimi, por trajneri Daja në konferenca është shprehur se edhe nëse rikuperohet ai duhet të pres momentin “jo” të Teqjas që deri tani ka bërë mjaft mirë që të luajë.
Mungesa e gjatë në fushë ka ngritur aludime për një “përplasje” mes tij dhe stafit teknik të Partizani, por një gjë e tillë nuk është konfirmuar nga asnjë palë. Të shumtë janë tifozët që pyesin se çfarë po ndodh me Alban Hoxhën dhe deri më tani nuk ka ende një përgjigje zyrtare nga ana e klubit.
Lexo gjithashtu
