Emiljano Vila ka folur pas fitores 2-1 kundër Tiranës. Mesfushori i Teutës deklaroi për mikrofonin e Oversport:
“Të them të drejtën, fizikisht ndihem mirë. Pas dëmtimit në brinjë, gjërat kanë shkuar mirë. Shpresoj të vazhdoj kështu. Dua të arrij objektivat e klubit.
Tirana? Goli i tretë, ishalla është sa më shpejt ndeshja me Tiranën. (Qesh) Më vjen mirë që shënova. Ekipi tregoi grintë në fushë. Vendi i katërt është i arritshëm. Do t’i shohim gjithë ndeshjet si finale. Të vazhdojmë kështu dhe të ulim kokën.
Derbi? Kampionati është i bukur. Besoj se ne luajtëm për veten tonë në radhë të parë. Përfitoi Partizani, bravo i qoftë. Më vjen mirë që të shpallet Partizani kampion, kam dhënë për atë fanelë.
Forma? Në pjesën e parë nuk e nisëm mirë. Mobilizimi i tepërt s’na ka bërë mirë. Pas shënimit të golit të Tiranës, gjërat ndryshuan. Falë Zotit gjërat shkuan mirë fizikisht. Kur ndihet një lojtar mirë, pse jo mos të luajë dhe të japë kontributin e vet. Gjërat ndryshojnë nga një ndeshje në tjetrën.
Kupa e Shqipërisë? Është e vështirë. Jemi mundur 3-0. 3-0 kundër Tiranës është shumë, por do të japim shpirtin edhe të mërkurën. Do të japim maksimumin, pastaj si të shkojë ndeshja. Atmosfera është shumë e mirë, të them të drejtën. Shpresojmë edhe për Kupën, me ndihmën e fatit. Çdo ekip mund të mposhtë çdo ekip.
Lorenco Vila? Më vjen mirë për të që shënoi kundër Tiranës. Ndoshta na ngjit me Tiranën, t’i shënojmë”, tha ai.
Lexo gjithashtu
