Roma është surprizuar për keq nga Cremonesse, pasi kjo e fundit i eliminoi verdhekuqtë nga Kupa e Italisë. Humbja 2-1 duket se ka shokuar trajnerin Jose Mourinho.
Portugezi pas kësaj disfate ka theksuar se është e tmerrshme që skuadra e tij të zhvillojë një lojë të tillë. Gjithaashtu nënvizoi se të tijtë e kanë të vështirë të luajnë 3 ndeshje në një javë.
“Kemi pasur një pjesë të parë të tmerrshme, të një niveli shumë të ulët. Në të dytën, gjysmë gabimi individual, jashtë kontekstit, na preu këmbët rezultati 2-0, patëm një reagim të mirë, por ata u mbrojtën shumë dhe ishim të pafat. Megjithatë, mësova të mos qaj për humbje dhe të pres me padurim ndeshjen e radhës. Mund të them se skuadra jonë ka vështirësi me rotacionet, ka vështirësi të luajë tre ndeshje në një javë.
Urime Cremoneses, ata kanë bërë dy fitore të mëdha jashtë shtëpisë. Kjo është një kupë e çuditshme, që vë në vështirësi ata që vijnë nga Serie B, si ata dhe për këtë arsye ishin edhe më mirë, vërtet urime”, është shprehur Mourinho
Lexo gjithashtu
