Granit Xhaka u shpall lojtari më i mirë në ndeshjen Serbi – Zvicër që u fitua nga helvetët me rezultatin 3-2. Mesfushori shqiptar shkoi në tribunën e tifozëve duke i dhënë fanelën e tij njërit prej tyre. Por, ajo që ra në sy ishte afrimiteti me të. Mediet janë bërë kuriozë për të mësuar identitetin e tifozit.
Bëhet fjalë për Valmir Mjakin, një biznesmen shqiptar në Zvicër, mik i afërt i familjes Xhaka. Në profilin e tij në rrjetet sociale shihen fotografi me Taulantin dhe Granitin. Dhe në një event të rëndësishëm si Botërori “Qatar 2022” nuk kishte si të mungonte një nga njerëzit më të afërt në jetën e Granitit, siç është dhe Valmiri.
Loading ...
