Pas humbjes 2-1 kundër Luftëtarit, trajneri i skuadrës bardheblu, Mirel Josa u shpreh: "Nuk e nisëm shumë mirë ndeshjen, edhe pse në pjesën e parë kishim 2-3 momente që mund të shënonim.
Pas golit të parë që pësuam, u munduam për të barazuar, por goli i dytë që realizoi Luftëtari na zbehu shumë.
Kam rezerva për sa i përket qetësisë, e cila i mungoi lojtarëve. I shkuam kundërshtarit aty ku donte Luftëtari.
Nuk e kuptoj ndonjëherë mënyrën e lojës së Cise, i cili është një lojtar i shpejtë, por në fakt e kthente topin pas. Edhe Ede në 2-3 momente duhet ta kishte kontrolluar më mirë topin.
Unë kam besim te skuadra. Iu thashë futbollistëve para ndeshjes që, nuk duhet të humbim karakteristikat e lojës që shfaqën kundër Skënderbeut.
Duhet të ishim më të përqendruar në lojë. Nuk luhet me frikë futbolli", tha Josa për Supersport.
Lexo gjithashtu
