Guardia di Finanza ka mësyrë në zyrat e klubit të Milanit për një kontroll tatimor në lidhje me ndryshimin e pronësisë së klubit. Hetimet kanë të bëjnë më kalimin e shumicës së aksioneve të kuqezinve nga fondi Elliott në fondin RedBird, gushtin e 2022-shit.
Në kuadër të operacionit, drejtori aktual i Milanit, Giorgio Furlani, dhe paraardhësi i tij, Ivan Gazidis, u hetuan nga Prokuroria e Milanos me dyshimin për veprën penale të “pengimit të autoritetit mbikëqyrës të Federatës së Futbollit”.
Hipoteza e GDF është se kompania “AC Milan” është ende në pronësi të fondit Elliott e jo nën pronarin aktual RedBird. Hetimet lindën pas padisë së kompanisë “Blue Sky” e cila ka një çështje gjyqësore me Elliott lidhur klubin milanez.
Poll
Lexo gjithashtu
