Zlatan Ibrahimovic nuk njeh moshë. Sulmuesi suedez vazhdon të jetë pjesë e futbolit aktiv dhe nuk ka ndërmend të ndalojë për aq kohë sa ai e konsideron se mund t’ia dalë.
Pavarësisht të gjithave dhe duke pasur një rol mjaft të rëndësishëm te Milan, drejtuesit kanë menduar t’i ofrojnë rinovimin e kontratës të paktën edhe për një sezon tjetër. Ajo aktualja i përfundon në fund të këtij sezonit.
Me rinovimin e mundshëm, Ibra do të fitonte një pagë prej 1.5 milionë euro plus bonuse. Gjithashtu përveç suedezit te Milan kanë menduar të blindojnë edhe portën, teksa kanë gati rinovimin me Mike Maignan. Gardiani pritet të firmosë deri në vitin 2026, ndërsa tashmë kushton 60 milionë euro.
Ndërkohë pezull mbetet çështja e rinovimit të Rafael Leaos, me të cilin drejtuesit akoma nuk kanë gjetur gjuhën e përbashkët mes tyre.
