Mijëra euro dëm, në Francë kishin bërë gati një ceremoni madhështore

Franca nuk e kishte humbuar asnjëherë ndeshjen finale në fushën e saj, por ja që ndodhi. Mbrëmë Portugalia iu mori trofeun në mes të shtëpisë së tyre, duke i lënë thatë “gjelat”, të cilët kishin përgatitur edhe “ushqimin” e festës. Francezët ishin përgatitur më së miri jo vetëm për ndeshjen finale, por edhe për atë që do të ndodhte pas saj. Festa ka qenë e detajuar, por nuk është zhvilluar.

Madje, sot janë zbuluar edhe detajet sesi do të festonin kampionët në sheshet më të mëdha të Parisit. Siç shihet në foton e mëposhtme, ishte planifikuar edhe autobusi i kampionëve me mbishkrimin “Kampionë Europe, Faleminderit”, por që nuk u vu në punë ashtu si shumë detaje të tjera që ishin planifikuar për këtë ditë.