Laçi arriti të fitonte 4-3 kundër Teutës, në kuadër të javës së 19-të të Superiores. Pas këtij takimi ka folur trajneri Gentian Mezani i cili u shfaq i lumtur me atë që skuadra e tij dha në fushë, veçanërisht duke përmbysur avantazhin 2-0 të miqve. Në prononcimin e zakonshëm për mikrofonin e Oversport tekniku vlonjat deklaroi:
“Mendoj që kemi luajtur keq por mund të shkonte edhe më keq. Është diçka pozitive që skuadra reagoi. Shënoi 2 gola në pjesën e parë. Aty filloi ndryshimi. Më pëlqeu reagimi nga skuadra. Janë episode që duhet t’i shohim më vëmendje. Po pësojmë nga goditjet standarte.
Nisja e keqe? Nuk po e kuptonim dhe ne. E kishim organizuar ndryshe. Kërkonim që ta thyenim shpejt aksionin. Nuk donim t’i linim hapësira. Deshëm t’i hiqnim mundësinë atyre. Goli erdhi shpejt. U çorientua disi ekuilibri në dy fazat e lojës. Skuadra arriti të reagonte. Kjo është gjë e mirë. Ne duhet të përmirësohemi nga java në javë. Unë jam i kënaqur sepse kanë shënuar të gjithë. Padiskutim jam i kënaqur. Kjo është diçka e mirë kur nuk jemi të varur nga një lojtar. Por, forca e Shkurtajt në sulm na jep frymëmarrje. Kualiteti i tij është shumë i rëndësishëm.
Paniku në fund? Ky është një aspekt tjetër që duhet ta përmirësojmë menjëherë. Në ditët në vijim do t’i shohim në vijim gabimet që kemi bërë. Ajo që i thashë çunave, është se duhet të qëndrojmë me këmbë në tokë.
Kupa dhe kampionati? Objektivi është Europa League. Nga Kupa arrihet më shpejt. Jemi të detyruar t’i marrim ndeshjet një nga një. Pra mos të kalojmë në eufori.
Ndeshja me Partizanin? Shpresoj që mos të na hanë mësysh këto golat e shënuar. Partizani është një skuadër me elementë cilësorë. Ne do të shohim gabimet tona ku kemi gabuar”, tha ai.
Lexo gjithashtu
