Fundi i ndeshjes Kukësi – Partizani provokoi një numër të madh incidentesh në shkallët e stadiumit. Tifozët e të dy klubeve u përplasën në distancë mes tyre me sende të forta. Policia nuk ishte në gjëndje për të shmangur këtë konfrontim dhe në fundin e takimit është detyruar të nxjerrë jashtë tifozët e kuq të cilët kanë qenë të vendosur në sektorin mik.
Në mesjavë pritet të mblidhet Komisioni i Disiplinës që do të marrë në shqyrtim proçesverbalin e delegatit të ndeshjes si dhe pamjet filmike të asaj që ka ndodhur në stadiumin “Zeqir Ymeri”. Burime pranë Federatës Shqiptare të Futbollit për newsport.al tregojnë se Kukësi rrezikon të dënim të rëndë dhe se dyert e stadiumit për tifozët pritet të mbyllen për më tepër se dy ndeshje. Gjithashtu edhe klubi i Partizanit mësohet të marrë një masë ndëshkimore për konfrontimin e tifozëve si dhe thyerjen e stolave në shkallët e stadiumit.
Komisioni i Disiplinës do të zbardhë pas 3-4 ditësh vendimin për gjithçka ka ndodhur në Kukës. E sigurtë është se do të ketë masa të ashpra.
Lexo gjithashtu
