Dinamo do të luajë nesër sfidën e javës së dytë ndaj Laçit në "Elbasan Arena". Skuadra kryeqytetase e nisin sezonin duke mposhtur Kastriotin 0-2 në transfertë e tashmë kërkojnë fitoren e dytë.
Në krah të trajnerit Shkëmbi, sot në koferencë ishte edhe mesfushori Lancinet Sidibe. 24-vjeçari në të kaluarën ka luajtur me ekipe si Besëlidhja, Flamurtari, Tirana dhe Teuta, ndërsa këta sezon u bashkua me Dinamon. Sidibe theksoi se nuk I trembet asnjë kundërshtari dhe pas një muaj Dinamo do të jetë në formën maksimale.
"Jemi një grup i ri futbollistësh, na duhet ende kohë për t'u kuptuar në mënyrën më të mirë me njëri-tjetrin. Besoj që pas 1 muaji do të jemi në maksimumin e formës dhe mund të bëjmë paraqitje akoma më të mira. Është e vërtetë që kam disa vite që jam pjesë e kampionatit shqiptar dhe i njoh mirë të gjitha skuadra. Laçi? Unë nuk kam frikë asnjë kundërshtar, por i respektoj të gjitha ekipet, pasi bëhet fjalë për një kampionat të rivalizuar ku diferencat janë të vogla.
Lexo gjithashtu
