Mesfushori i krahut të djathtë të Lacios, Antonio Kandreva, nuk arrin ta kalojë problemin muskulor dhe do të mungojë për Italinë në ndeshjen me Spanjën. Trajneri Konte duhet të bëjë pa fantazinë e tij në këtë sfidë shumë të rëndësishme, ku axurrëve u duhet të japin gjithçka për të sfiduar Spanjën.”Kjo nuk na duhej në këtë moment”, – ka thënë shkurt trajneri Konte, i cili tani nuk ka se çfarë të bëjë. Pas optimizmit që ishte shfaqur gjatë paradites, ka ardhur edhe lajmi i keq për italianët; Kandreva nuk është i disponueshëm. Kandidatët për të zënë vendin e tij në të djathtë të mesfushës janë Florenci dhe El Saharui.
