Skënderbeu dhe Kukësi janë vënë në garë për të marrë shërbimet e sulmuesit Ronir de Souza Gonçalves. I njohur me emrin Roninjo, 26-vjeçari luan në kampionatin e Omanit me Saham Club.
Sulmuesi 176 centimetra i gjatë është vëzhguar përmes vidoeve që menaxherët i tij iu kanë dërguar stafeve përkatëse, të Kukësit dhe Skënderbeut.
Por, verilindorët duket se e kanë pëlqyer më tepër si futbollist, nisur edhe nga karakteristikat e ngjashme me ish-futbollistin tjetër brazilian, Erik Flores, një sulmues krahu i cili vërtet që i mungon në këto momente Kukësit.
Pritet që bisedimet mes drejtuesve të Kukësit dhe menaxherëve të Roninjos të avancojnë në ditët në vijim dhe nuk do të jetë çudi që ai të firmosë me kampionët e dimrit të Superligës.
