Milan arriti të marrë një fitore të rëndësishme ndaj Genoas në ndeshjen e javës së 8-të. Kuqezinjtë triumfuan 1-0 ndaj kundërshtarëve, teksa një episode ishte i veçantë për Olivier Giroud.
Dalja me karton të kuq i Maignan, detyroi Piolin të vendoste në postë sulmuesin francez, i cili në minutat e fundit të sfidës arriti të bënte një pritje vendimtare. Pioli pas sfidës ka theksuar se lojtarët kanë bërë një super ndeshje dhe meritat kryesore u shkojnë atyre.
“Një ndeshje e tillë është e vështirë të mbahet mend të jetë zhvilluar ndonjëherë. Ishte një përballje e veçantë, në të cilën ne luftuam, por edhe besuam. Meritat i kanë lojtarët që e përfunduan këtë sfidë në mënyrën më të mirë të mundshme, duke luajtur një lojë me mentalitet dhe dëshirë për të fituar.
Giroud si portier? Më pëlqen të mendoj se ajo që bëri është pjesë e mentalitetit tonë, domethënë dëshira për të provuar gjithmonë. Ajo që më bën më të lumtur është dëshira e këtij grupi”, deklaron Pioli.
Lexo gjithashtu
