Elis Bakaj, është transferuar në Kroaci me ekipin e Splitit. Për herë të parë për një media kroate Bakaj ka treguar se si ndihet me skuadrën e re. Ajo që bie në sy është përshtatja e shpejtë e tij me skuadrën kroate, miqësinë e shumtë që ka krijuar. Siç duket eksperiencat e mëparshme të sulmuesit kanë dhënë frutet e veta. Media kroate shkruajnë: "Ne kemi një ekip të madh. Qyteti dhe klubi janë të kënaqur me Bakajn që bën pjesë në organikë e Splitit. Ka vetëm dy javë me ne dhe është përshtatur më së miri".
[caption id="attachment_9174" align="alignleft" width="300"]
Bakaj gjatë prezantimit te klubi kroat i Split[/caption]
Bakaj u bë pjesë e kroatëve dy javë më parë, duke u parë si një përforcim shumë i rëndësishëm për ekipin e Split-it. "Forca dhe precizioni i tij i gjuajtjes së tij, tregon për vlerat e këtij lojtari, ku topin vetëm rrjeta mund ta ndalë", shkruajnë mediat kroate.
Vetë Bakaj është shprehur i kënaqur me skuadrën kroate.
"Unë jam i kënaqur me ekipin, për vetë faktin se trajneri Sablic përpiqet për një lojë sulmuese. Dhe unë gjithmonë jam i përfshirë në skemat e tij. Shokët e mi Amir Rrahmani dhe Ardit Delia më ndihmuan të përshtatem shumë shpejt. Ky është një qytet i bukur me njerëz fantastikë, dhe të përshtatesh është shumë e lehtë. Unë jam i kënaqur me gjithçka këtu, më pëlqen ushqimi, klima, deti. Përvoja ime do të më ndihmojë që të bëj më të mirën për Splitin, duke shënuar sa më shumë", ka përfunduar ish-sulmuesi i Tiranës.
Lexo gjithashtu
