Tirana ia doli të përmbysë dje në mbrëmje Skënderbeun, duke marrë tri pikët e radhës në transfertë. Bardheblutë e Egbo i falen dy golave të anglezit Ngoo, ndërsa vijojnë të jenë 9 pikë ndaj Kukësit. Java e 32 ka rezervuar ndeshjen direkte mes dy skuadrave, ndërsa dueli është vërtet një finale pasi kryeqytetasit mund të prekin titullin duke thelluar diferencën me verilindorët.
Trajneri Emmanuel Egbo nuk do të ketë dy titullarë në ndeshjen e së hënës në mbrëmje, me Bathën dhe Dokën që vuajnë problemet e pezullimeve. Të dy lojtarët u ndëshkuan me kartona të verdhë në ndeshjen me Skënderbeun dhe do të jenë një mungesë e madhe në formacionin e Tiranës për duelin “final” të titullit.
Loading ...
