Numërimi mbrapsht për Partizanin ka nisur. Të gjithë po bëhen gati për festën e madhe, teks ajo e nesërmja pritet të jetë e paharrueshme. Ultras Guerrils po bëhen gati për të qenë sa më të shumtë në numër në “Arenën e Demave”, teksa nesër duke nisur që nga ora 16:00 ndaj Teutës do të festojnë të gjithë.
Nëpërmjet një postimi në rrjetet sociale, tifogrupi i Partizanit bëri thirrje që të gjithë tifozët të jenë në stadium, pasi me biletë ose pa biletë të gjithë do të mund të shikojnë skuadrën e tyre kampionë.
Për këtë ka reaguar edhe Valentino Murataj, i cili ka bërë thirrje që të jenë sa më të shumtë në numër, ndërsa ka shkruar: “Ore hajdeni rrini në fushë thuaju, sipër stadiumit veç hajdeni”.
